Trajnimi i gjeneratës së re të guidave turistike në kuadër të projektit “The Guestkeepers” (OJQ ABSM) ka shënuar sot një ditë intensive, e cila ndërthuri teorinë, praktikën në terren dhe analizën profesionale.
Nën udhëheqjen e ekspertit të fushës, z. Enes Toska, pjesëmarrësit zbatuan metodologjinë e “mësimit ciklik”.
Faza e Terrenit: Grupi vizitoi katër pikat e rëndësishme të identitetit të Prishtinës:
- Monumenti Newborn: Për të kuptuar simbolikën e shtetëndërtimit.
- Monumenti Heroinat: Për të trajtuar me dinjitet sakrificën e grave kosovare.
- Biblioteka Kombëtare: Për të zbërthyer stilin unik arkitekturor dhe historikun e saj.
- Sheshi Skënderbeu: Për të mësuar teknikat e pozicionimit dhe fjalimit para grupeve në hapësira të mëdha.
Faza e Reflektimit (Kthimi në Klasë): Pas përfundimit të itenerarit, trajnimi nuk u mbyll. Pjesëmarrësit u rikthyen në qendrën e trajnimeve për sesionin e “Debriefing”. Aty u analizuan situatat e terrenit, u diskutuan pyetjet e vështira dhe u rafinuan teknikat e prezantimit.
Ky format siguron që Ambasadorët e Mikpritjes të jenë të përgatitur jo vetëm me informacione, por edhe me aftësi analitike për t’u përballur me kërkesat e turistëve ndërkombëtarë.
Projekti financohet nga Ministria e Kulturës, Rinisë dhe Sportit.mbisni mundësinë për të mësuar nga ekspertët dhe për t’u bërë pjesë e rrjetit më të ri të profesionistëve në turizëm.
Ju mirëpresim!
The Guestkeepers Miqtë e vizitorëve – ku çdo vizitor bëhet mikKosovë.
